طريقة عمل أفخاد الدجاج مع الخضار والأوريغانو

#وصفة_صحية_وغنية_بالفيتامينات_والنكهات وبتناسب الجو الرمضاني ملونة وبتفتح النفس 😋

2 كيلو أفخاد دجاج مغسولة منيح

حبتين بطاطا بالقشر مقطعين أرباع

حبتين بندورة مقطعين أرباع

5 حبات كوسا مقطعين أرباع او أنصاف بالطول

5 جزرات مقطعين أرباع أو أنصاف بالطول

بصلتين مقطعين أرباع

حبة فليفلة كبيرة مقطعة شرحات كبيرة

ملعقتين زعتر أوريغانو

ملعقة طعام ثوم بودرة

ملعقة طعام من بودرة قشر الليمون الحامض

ملعقة من بودرة قشر البرتقال

ملعقة طعام كمون ناعم

0.5 ملعقة كركم (عقدة صفرا)

ملعقة طعام بابريكا

ملح وفلفل اسود حسب الرغبة

0.5 كوب زيت زيتون

كوب ماء

بنحط البهارات والزعتر والزيت عالخضار وبنقلب منيح لحتى تتوزع النكهات على كل الخضار بعدا بنضيف قطع الدجاج وبنقلبها بالخلطة منيح وبنرصها بصينية الفرن بننزل بالخضار فوق الدجاج وبنضيف كوب الماء وبندخلها على فرن بحرارة 180° لمدة ساعة ونص او حتى يتحمر الدجاج وبالهنا والشفا (بنقدم حدها رز أبيض أو اي نوع نشويات 👌)