طريقة عمل بقلاوه او جلاش حلو

لفه جلاش

كوب زبده سايحه

مكسرات حسب الرغبه

شربات أو شيره حسب ما بتقولو 😂 المهم يكون تقيل وبارد

الشربات التقيل

2 كوب سكر

1 ونص كوب ماء

معلقه صغيره فانيليا سائلة

معلقه صغيره عصير ليمون

ندهن الصينيه بالزبدة وبعدين نحط راق جلاش و ندهنه دهنه بسيطه بالزبده و هكذا لحد نص الكميه وبعدين نحط مكسرات و نرش عليها ملعقة زبده وبعدين نكمل الجلاش بنفس الطريقه وبعدين نقطعه زي الصوره كده هنزلكم شكل توضيحي مرقم علشان تقطعوها الشكل ده وممكن تعملو اشكال كتير بس خلينا في ده دلوقتي 😂 و ندهن الوجه بالزبده برضو

و يدخل الفرن على درجه حراره 180 أول ما الحروف تحمر تركزوا معاه مش بياخد وقت خالص وبعدين تشغلوا الشوايه الوجه ياخذ لون وبس كده يطلع نسقي ب الشربات البارد و خلاص، بسيطه آوى يعني 😊

الشربات..... هنحط كله يغلوا على النار لمده نص ساعة لحد ما يتقل جامد يبقى شبه العسل و ممكن تحطو ملعقة عسل جلوكوز ده إللي أنا مش بعرف أقول إسمه 😂

soongdar

أضف تعليق

طريقة عمل بقلاوة, طريقة عمل جلاش, طريقة عمل صينية, وصفات حلويات

الثلاثاء، 28 أبريل 2020

شاركه

أعجبني

G+

غرد

غرد تغريدة

شاهد أيضاً