طريقة عمل فراخ مشويه شهيه

فراخ جدتي و مامتي و خالتي و ستات العيله معموله بحب جربوها و متنسوش تدعولي🥰🥰متعملهاش إلا الستات الذكيه

فرخه وزن كيلو ونصف صافي

معلقه كبيره ثوم مفروم

1/2 معلقه كبيره طازج زنجبيل مفروم او ملعقة صغيرة زنجبيل بودرة

بصله كبيره مفرومه

1 طماطم

3 معالق كبيره عصير ليمون

معلقه كبيره زعتر اخضر او مجفف

1/4 كوبايه زيت زيتون

معلقتين زبده مكعبات

ملح وفلفل حسب الذوق

مكعب مرقه ماجي

قطعت الفرخه نصين بالطول و غسلتها بالدقيق و الملح و الخل و نقعتهم ربع ساعة و بعدين شطفتهم كويس و صفيتهم و اتنشفوا بورق مناديل.

في مفرمه الخضار ضربت كل المكونات و تبلت بيهم الفراخ بعد ما شقيت الصدور و الوراك بالسكينه علشان يشربوا من الليمون و بعدين رشيت زيت الزيتون و حطيت قطع الزبده و سيبتهم ينقعوا ساعتين (ممكن من قبلها بالليل و يكون افضل)

بطنت صينيه بورق الزبده و الفويل و حطيت الفراخ و رصيت فوقها قطع بطاطس(اختياري) و غلفتها كويس و دخلتها الفرن لمده ساعة و نص

شيلت الغطا و سيبتها في الفرن لغايه ما وجهها يحمر من غير ما اشغل الشوايه بس حراره الفرن هي اللي حمرت الوجه بعدين خرجتها و غطيتها علشان العصاره تتجمع فيها تاني وقدمتها❤️