طريقة عمل قوارب القطايف باللحمه المفرومه

undefined

😜😜😜ايوه قطايف متستغربيش طعمها اقسم بالله مالوش حل وخفيفه جداً لانها مش متحمره والطعم حكايه كرانشي من بره وطريه من جوه 😘😘#باللحم_المفروم

2 كوب دقيق

رشه ملح

م. .ص. خميرة فوريه

م. .ص. سكر

م. .ص .بينكج بودرة

.م. .ص. خل

1/4 كوب دقيق سميد

كوبين وربع ماء

اللحمة المفرومه بالصلصه

1/2 لحم مفروم

بصله مفرومه

فصين ثوم مفروم

معلقتين كبار زيت

جزرة مبشورة

ملح

فلفل اسود

رشه جوزة الطيب

بهارات لحمة

معلقتين كبار صلصه الطماطم

جبنة موتزيالار

شرايح زيتون

ك٢ دقيق عليهم رشه ملح ومعلقه صغيرة خميره ومعلقه صغىيره سكر ومعلقه صغيرة بيكينك بودرة والسر بتاعي ملعقة صغيرة خل وربع كوب دقيق سميد وتنزلي عليهم بكوبين وربع ماء دافيه وتقلبي كويس وميبقاش فيه اَي تكتلات وتسيبيها ترتاح عشر دقائق وطاسه ساخنه تيفال مبتلزقش تنزلي بقي بالقطايف انا عاملاها حجم كبير قد كف الايد وبعدين تهدي النار وأول ماتبتدي تطلع فقاقيع وتنشف شيليها على طول على فوطه وتغطيها عشان تبقي طريه

👌👌وبعدين بقي تعمليها بالشكل ده كل طرف منها تقفليه كده وتحشيه لحمة مفرومه بالصلصة وعليهم زيتون وجبنه موتزاريلا وترصيهم بقي في صينيه عليها ورق زبدة مكنش عندي دهنت الصينيه زيت خفيف جداً ورصيهم وعلى الفرن ربع ساعة على ١٨٠والف هنا على قلوبكم 💝