طريقة عمل الدونتس علي الطريقة الكورية بطريقة سهل واقتصادية والطعمه روعه

#كوكبادي_وافتخر #طبخة_و_عجنة #الدونتس #سهل_و_سريع #حلو_و_حادق #وصفات #الدونتس_الكورى

المقادير:

2 كوب دقيق (1 كوب احتياطى)

1 كوب لبن

بيضة

1 ملعقة كبيرة خميرة

2 ملعقة كبيرة سكر

2 ملاعقة كبيرة زبدة

رشة ملح

فانيليا

للتغطية:

سكر

سكر بودر

سكر بودر و قرفة

اول حاجة ننزل باللبن مع السكر والخميرة ونقلبهم كويس لو احنا مش متأكدين من الخميرة ممكن نسيب الخليط علي جنب متغطي ونشوف لو فيه فقاقيع طلعت يبقا الخميرة شغالة ونكمل اما لو احنا متاكدين من الخميرة مش لازم نعمل الخطوة دي

ننزل بالبيضة ومدام نزلنا بالبيض لازم ننزل بالفانيليا

بعدما قلبنا البيض و الفانيليا ننزل بالزبدة ونقلب

ننزل بعدين بالدقيق مقدار الدقيق هو كوبيتين دقيق وفي كوبايه زيادة ممكن نحتجها وممكن لا لانه بيعتمد علي نوع الدقيق و حجم
البيضة و معيار اللبن بس الثابت هو اللبن والبيض ننزل الاول بالكوبيتين ولو لقينا العجينة لسه طريه ومتجمعتش علي بعض نبدا ننزل بالكوباية التانية بالتدريج ونعجن لحد ما العجينة تتجمع معانا زي الصورة الي جاية

ده شكل العجينة بعض ما اتجمعت معانا وبقت عجينة متماسكة لازم نعجن فيها من 5-7 دقائق

بعد ما عجنها نشيل العجينة في بولة ونغطيها من 10-20 دقيقة تختمر حسب الجو

ده شكلها بعدما اختمرت

ننزل العجينة من البولة و نعملها علي شكل اسطوانة ونبدا نقسمها المقدار ده بيعمل 15 واحدة حجم متوسط او عشرة حجم كبير

بعد ما قسمنها نبدا نعمل كل واحدة علي شكل كورة ونحطها علي البلنشة ونغطيها ونسيب العجينة 10 دقائق ترتاح

نبدا ناخد العجينة نعملها علي شكل البقسماط

وبعدين نلفها عكس بعض يعن نحط ايدينا الاتنين علي حرف العجينة واحدة تتطلع فوق واحدة تنزل تحت

وبعدين نحط النهايتين علي بعض ونلف العجينة

ده شكلها المفروض يبقا معان الشكل ده نبدا نرصهم بالترتيب اول واحده عملنها وبعدين التانية عشان نبدا باول واحدة او ما نخلص تشكيل العجينة نسيبها تختمر تاني من 5-10 دقائق حسب الجوه

ده شكلها بعد ما اتخمرت حجمها كبر

ننزل بالعجينة في الزيت الزيت علي نار متوسطة عشان الدونتس تستوي من جوه متبقاش عجينة و تاخد لون حلو اول ما تطلع من الزيت ممكن ننزلها في السكر الحبايبات او السكر البودة والقرفة

ده اللون الي احنا محتاجينه وبكد نكون خلصنا وصفتنا يارب تعجبكم وبالف هناء و شفاء

soongdar

أضف تعليق

اكلات كورية

الثلاثاء، 5 مايو 2020

طريقة عمل الدونتس علي الطريقة الكورية بطريقة سهل واقتصادية والطعمه روعه

شاهد أيضاً

التعليقات