طريقة عمل كفتة الارز

كل عام وانتم بخير رمضان على الابواب وافضل شىء اننا نجهز حاجات ونفرزها ونفضى في الشهر الكريم للعبادة اللهم بلغنا رمضان

1/2 ك لحمة مفرومة

2 كوب ارز مغسول ومصفى بما يعادل 750 جم ارز مطحون

بصلة متوسطة

2 م ك ثوم مفروم

½ حزمة كزبرة خضرة

1/2 م ص بيكنج بودر

البهارات: كلها موجودة في البهارات السبعة انا مش بخلطهم مع بعض

2 م ص ملح

2 م ص بصل بودرة

2 م ص كزبرة ناشفة

1 م ص كمون بودرة

1 م ص فلفل اسود

1 و1/2 ملعقة ص كبابة صينى

1/4 م ص زنجبيل

1/4 م ص حبهان

1/4 م ص بردقوش

1 م ك بقدونس مجفف

افرم البصل والثوم وقرن الفلفل الحامي مع لعض ثم اضيف الكزبرة الخضراء وكل التوابل ويفرم مرة اخرى

اغسل الارز واصفية واضعة في فوطة نظيفة ثم أبدأ بطحنة واغربلة وأخد الناعم فقط واعيد الطحن مرة اخرى حتى انتهاء الكمية ملحوظة ان الارز البيتي المطحون افضل بكتير من دقيق الارز الجاهز دة طبعاً بعد التجربة والمقارنة بين الاثنين معلش هو متعب سوية بس نتيجتة افضل بكتير

اضيف خلطة البهارات والخضرة على اللحمة ويعجن مع بعض ثم اضيف الارز المطحون بالتدريج واعجن كويس ممكن استخدام المفرمة طبعاً او الكيتشن بس نضع جزء جزء علشان كبة الكيتشن ميحصلهاش حاجة لان العجينة تقيلة

لازم ازود ارز مطحون لغاية العجينة كتبقى متماسكة ومش بتلزق في الايد

اغطيها بكيس واتركها في الثلاجة نص ساعة لو في وقت ثم اصبعها كلها وابدأ في القلى هنلاقيها الحمد لله مش بتكش ولا بتفتح من الجنب

اخد الجزء اللي هستخدمة ممكن تعملية بشوربة زي كدة

والباقى نشيلة في كيس وعلى الفريزر على طول وهو طبعاً مقلى ووقت الحاجة لاستخدامة طلعى الكيس وضيفية على الشوربة او الصلصة زي ما تفضلو حضراتكم وبالف هنا وشفا

soongdar

أضف تعليق

طريقة عمل رز, طريقة عمل فتة, طريقة عمل كباب, طريقة عمل كبة, طريقة عمل كفتة, طريقة عمل لحم

الأحد، 3 مايو 2020

طريقة عمل كفتة الارز

شاهد أيضاً

التعليقات