طريقة عمل الدونات

3 كوب دقيق

1 كوب لبن دافئ

م ك خميره

رشه ملح

م ك سكر

م ك لبن بودر

2 بيضه

2 م ك زبده

الكراميل

1/2 كوب سكر

م ك ميه

م ك زبده

½ كوب لبن وعليه م ص نشاا

ف بوله نخلط فيها البيض وننزل عليها باللبن والسكر والخميره واللبن البودر ونقلب كويس

ننزل بعد كده بالدقيق ولحد ما العجينه تلم وننزل بمعلقتين الزبده ليه محططش الزبده ف الاول علشان متورقش معايا انا مش عايزة مورقه ونعجن عشر دقايق ونسيبها تخمر

نحضر صوص الكراميل ف طاسه نحط السكر وننزل عليه بمعلقه الميه ونسيبه لحد ما يدينا اللون المطلوب ويكون السكر ساح وننزل عليه بالزبده نحطه علي نار هاديه ونقلب و ننزل عليه باللبن اللي حاطين فيه نشاا ونقلب و لو قفش منك هيفك عادي ونقلب لما يفك خلاص كده يكون جاهز

نرجع للعجينه هتكون خمرت نرش تحتها دقيق ونفرد بالنشابه ويكون سمكها متوسطه ونقطع بالقطاعه وعلي النار طاسه فيها زيت ونقطع وننزل علي الزيت لما تحمر نخرجها مش بتاخد وقت

نطلعها ونحط عليها الصوص وتزينها باي حاجه موجوده عندك وممكن سكر بودر وكده نكون خلصنا حاجه حلوة سهل ومش مكلفه

بالهناااا ❤

soongdar

أضف تعليق

طريقة عمل دونات, طريقة عمل سمك, طريقة عمل كراميل, وصفات حلويات

السبت، 2 مايو 2020

طريقة عمل الدونات

شاهد أيضاً

التعليقات