2 صدور او افخاد دجاج مخليين
كوسه مقطعه مكعبات او اي خضار تحبيه
مكعبات بصل مقطع
مكعبات طماطم مقطع
2 فلفل اخضر ولو حابه تضيفي فلفل الوان ضيفي
3 معالق زيت
مشروم حسب الرغبه
ملح وفلفل اسمر
روز ماري وزعتر
بصل بودره
كاري
بغسل الصدور او الافخاد بتاعت الفراخ الاول كويس وانقعها في شويه مايه وليمون وخل وملح ودقيق واتركها لمده عشر دقايق
بصفيها من المايه بالمصفاه وبعدين اقطعها مكعبات واتركها على النار في شويه مايه صغيرين تتسلق نص سوي مع شويه ملح صغيرين
اقطع الكوسه واغسلها واصفيها وبعدين احطها على النار تتسلق بس مش اوي عشان تثبت على العيدان
بعد ما اتسلقت الصدور او الافخاد بصفيها من المايه واتركها تبرد شويه على اما نجهز الخلطه
الخلطه :هحط بودره البصل والبهارات كلها ومعلقتين كبار زيت وبعدين اضيف الصدور او الافخاد واقلبهم مع بعد واتركهم 10د
اجيب الاعواد واحط واحده بصل عشان تسند قطعه الفراخ وبعدين احط القطعه وبعدين واحده فلفل وواحده كوسه وقطعه لحم وطماطم وهكذا لحد ما تخلصي الكميه وبعدين تحطيها في صنيه وتدهني الشيش طاووق بشويه زيت وبعدين تحطيها في الفرن من تحت لحد ما تستوي وبعدين تفتحي عليها الشوايه من فوق وبالهنا والشفا ❤
