من باب التغيير حبيت غير الفريكة بالبرغل .. طيبة كتير بتمنى تجربوها .. 😄
كاسة ونص برغل خشن
فنجان قهوة شعيرية مقدار
كاسة ونص رز طويل
مطيبات للرز ملح ٤ حبات هال ٤ دبوس قرنفل عود قرفة بهار رشة
4 افخاد دجاج
مطيبات لسلق الفروج
تتبيلة الفروج : رشة ملح بهار قرفة بهار فروج زنجبيل بودرة بابريكا
4 ملاعق كبيره كاتشب معلقتين مايونيز
منسلق الفروج بعد ما نغسلو ونفركو بملح وخل بطنجرة مع مطيبات سلق الفروج ومنحتفظ بمرقو ويصفى ويترك جانبا ليبرد ليتبل
منحط مكونات كلها فوق بعضها ومنقلب لتختلط مع بعضها كالشكل
منتبل افخاد الفروج بالتتبيلة
ومندخلا عالفرن عدرجة٢٠٠ لتتحمر منيح
منطبخ البرغل بشعيرية بمرق الفروج كالعاده.. طريقتو موجودة ضمن وصفاتي
منطبخ الرز بشوية زيت بنقلي الرز مع المطيبات تبع الرز حتى تطلع ريحتو الطيبة وبعدا منضيف مرق الدجاج ومنوطي عليه ومنغطي عليه ليستوي على مهله
بس يستوي منشيل المطيبات.. فيكن تستغنو عن المطيبات وتكتفو بمرق الدجاج..
بس يستوو بصحن التقديم بنطبق البرغل بلاول
فوقه فخاد الدجاج المحمرة والمكسرات ويزين حسب الرغبه
يقدم الى جانب السلطات والمقبلات والعيران
بتمنى يعجبكم وصحة وهنا..💞
