تقدم هذه الوصفة كطبق جانبي او خفيف خاصة في العزايم وانا بحبها كتير ومشهورة ببلدي فلسطين جربوها طيبة ولذيذة
خبز رقيق جدا يسمى الشراك
كيلو من صدور الدجاج منزوعة العظم ومقطعة مكعبات منظفة
3 بصلات كبار
فلفل اخضر
القليل من الزيت النباتي
بهارات : ملح فلفل اسود كمون بهار مشكل بهار مسحب او بابريكا احمر وسماق
بطنجرة عالغاز نضع البطل مشرح الى جوانح رفيعه او مكعبات متوسطة الحجم ونذبلهم بالزيت مع الملح ليتذبلو بنضيف الفلفل وقطع الدجاج بنحركهم بنوطي الغاز وبنتركهم يستوو على راحتهم
لمن تقرب تنشف المي على الدجاج بنضيف كل البهارات كم تقليبة بس يستوي بنطفي الغاز وبنتركهم يرتاحو شوي
الشراك بنقطع كل قطعه لاربع مثلثات وتوضع قليل من الحشوة عند ضلع المثلث وتلف ننهي كل الكمية ونحمرهم بالفرن وتقدم مع الشوربات او سلطات وصحة وهنا
