من كيلو لا2كيلو افخاد دجاج مع سيقان دجاج
تتبيلة الدجاج
ملعقة صغيرة من كل من
ملح
فلفل اسود
كاري
كركم
دبس بندورة
دبس فليفلة
فليفلة مطحونة
ثوم بودرة
بصل بودرة
ماجي بودرة
4 م ك زيتون
4 م ك خل ابيض او خل تفاح
5 فص ثوم مهروس
كوب لاكوبين ملح خشن (ملح صخري)
ورق زبدة لتغليف سيقان الدجاج
ورق قصدير لتغليف سيقان الدجاج
بنظف افخاد وسيقان الدجاج بخلط البهارات مع الثوم والزيت والخل وبتبل الدجاج منيح بخلين ليلة كاملة بالبراد لايتشرب الدجاج التتبيلة
هلق بصينية فرن بحط كمية ملح صخري وبفرشن على صينية فرن مناسبة بحمي الفرن على ٢٠٠وبحمي الملح شوي لايسخن بشيل افخاد الدجاج من التتبيلة وبلفن على ورق زبدة بغلفن مضبوط وبغلفن بورق قصدير مضبوط
ممكن اعمل من ٢لا٤من لفات ورق القصدير على الدجاج حسب انتي اديه حاطا كمية دجاج يعني تقريباً بحط حوالي من ٥لا٨افخاد دجاج عكل ورقة قصدير
بحط ورقة القصدير المغلفة فيها الدجاج على الملح وبدخلا الفرن وبستنا ساعة بقلبن على الوجه التاني وبسيبن كمان حوالي ربع ساعة يتحمرو كمان من تحت
بشيل ورقة القصدير من صينية الملح بفتح ورقة الزبدة وورقة القصدير وياسلام على الطعم والريحة غير شكل
