جبااااارة وحلوة اوي وشيك وتنفع في عزومات وسريعة التحضير وغنية بنكهاتها هي خطوتها طويلة شوية بس حلوة اوي وتنفع كمان للناس الي بتعمل دايت وعاوزة تغير وجربوها😊
اول حاجة بنقطع الاوراك المخلية دي مكعبات كبيرة وبعدين نغسلها حلو ونصفيها تاني حاجة بقي نجيب بولة كبيرة نحط فيها البصل المبشور والطماطم المبشورة والتوم المفروم ونحط الملح والفلفل الاسود وكل التوابل بتاعتنا والمونة نعصرها ونحط الزيت ونقلب كلة حلو مع بعض وننزل بالشيش طاووق ونقلب حلو اوي وتبقي كل التتبيلة فوق قطع الشيش ونقفل عليها ونسيبها ليلة في التلاجة او اقل حاجة 3 ساعات
نعمل بقي الرز نجيب حلة نحط فيها شوية زيت ونحط مكعب الماجي يسيح ونحط التوابل بتاعتنا كلها علي الماجي ونقلب وبعدين ننزل بالرز نقلب تقلبتين كدة وبعدين ننزل بالماية او بالشوربة الي متاح ياعني ونقلب حلو لحد مايتشرب مايتة نوطي علية ونسيبة لحد مايستوي نحضر بقي التومية حنط كل المكونات علي بعض ونقلب ونحط اللمونة ونقلب كلة مع بعض ونركنها لحد مانلم الطبق بتاعنا للتقديم بقي
نسوي بقي الشيش نجيب حلة نحط فيها شوية زيت ونقطع الفلفل الرومي والحامي بتاعنا ونشوحة شوية وبعدين ننزل بالشيش طاووق بالتتبيلة كلها ونقعد نشوح فية لحد مالفراخ تستوي هنلاحظ ان فية صوص دة بيبقي حلو اوي علي الرز الي حابب الصوص دة يقفل علي الفراخ كدة لو مش حابب الصوص يشوح في الشيش لحد مالصوص ينشف خالص ونقفل علي كدة نقدم طبقنا بقي بجيب سرفيس او طبق كبير ونحط اول حاجة الرز بشكل متناسق وبعدين ننزل بالشيش والتتبيلة علي الرز وبعدين اخر حاجة نحط شوية تومية ويقدم الطبق بالف هنا وشفا
ملحوظات : ممكن تحمصي عيش وتحطية مع الفتة بس انا محبتش كدة دة اختياري ممكن تقدمي جمبية خيار مخلل سريع كلة اختياري للناس بقي الي بتعمل دايت الرز البسمتي يبقي البني وبلاش زيت كتير وفي الشيش نحط مقدار معلقتين كبار زيت وبس ولما نيجي نشوح الشيش طاووق هنحط المقدار كلة من غير زيت عشان الناس الي بتخس تاكل زينا والف هنا وشفا لكل الاكيلة😉
