اوراك مخليه او صدور و مقطعه مكعبات صغيره
فنجان لبن او علبه ذبادي
فنجان زيت
معلقتين كبار صلصه طماطم
عصير لمونه كبيره
معلقه كبيره ملح اوعي تزودي الملح
ملعقه كبيره فلفل اسود
ملعقه كبيره بابريكا
ملعقه كبيره بصل بودر
ملعقه كبيره توم بودر
ملعقه كبيره بهارات لحمه او بهارات فراخ
هنخلط جميع المكونات مع بعض و نسيب فيها الفراخ تتبل ليله كامله او ساعتين لو مستعجله
نحضر بقي بصله مقطعه مكعبات و طماطم مقطعه مكعبات وفلفل اخضر مقطع مكعبات
ممكن نعملها بدون اسياخ.. تحطي في طاسه شويه زيت و تنزلي بالفراخ المتبله في الزيت ياخد صدمه و تقلبيها لحد ما تشرب ميتها و تنزلي عليها بالبصل والطماطم و الفلفل المقطعين و تقلبي فيها لحد ما تستوي بس انا هنا عملتها بالاسياخ
طريقه الاسياخ:- هنجيب اسياخ خشب و نبدا نرص بالترتيب بصله بعدين طماطم بعدين فلفل بعدين قطعه فراخ لحد ما تخلصي الكميه
ممكن بقي تروصيها في صينيه في الفرن على درجه حراره 200 لمده نص ساعه
بس انا بقي سويتها على البوتجاز جبت صينيه فيها نقطه زيت وحطيت الاسياخ فيها و فضلت اقلب فيها كل شويه على جميع الجوانب
ولازم تقلبيها عشان متتحرقش منك و تتلسع و اوعي تسيبها و تمشي و ممكن بقي تولعي فحم و تحطيها علي ورق فويل او طبق صغير و تحطيها وسط الشيش و تطفيها بنقطه زيت و تغطي بسرعه علي الشيش علشان يبقي بريحه الفحم
و ده شكلها بعد ما استوت و طعمها خطتشششششير 😍
انا بقي عملت منها كريبات وكانت فظيعه و حطيت معاها كاتشب و مايونيز و جبنه مبشوره و زيتون مخلي 😍😍
وطريقة عجينه الكريب عندي في صفحتي و كمان طريقه الكاتشب و المايونيز على صفحتي
