تغيير ..حبيت اغير بدل الارز والمكرونة كل شوية ..
0.5 كيلو شيش
3 اوراك مخليين ومقطعين مكعبات كبيره
قطع كبيره بصل وفلفل أخضر وطماطم
بصله وسط مبشوره
معلقتين زبادى
ملح وفلفل وقرفه وروزمارى وتوم بودر
معلقه كبيره صويا صوص
نحط البصله عالتوابل والملح والزبادى ونتبل بيها قطع الفراخ ساعتين الأقل.وقطع الخضار نحطهم فى طبق ونرش عليهم ملح وتوابل برضه ونسيبهم شويه
نجيب اسياخ خشب ونرص الفراخ والخضار بالتشكيل (البصل وبعدين الفلفل والطماطم والفراخ ونكررهم تانى)كما بالصورة..وقطع الفراخ حسب الرغبه
فى قالب تيفال أو سيراميك ندهن شويه زيت ونرص الاسياخ ونعلى النار وتقلب كل شويه لتتشوى ونرش معلقه الصويا عليها وهى بتتشوي.
لما تستوى وتحمر نحطها فى فينو مدهون بالمايونيز والكاتشب والخيار المخلل..أو سلطه طحينه حسب الرغبه
فى ناس بتحطها فالفرن تحت الشوايه..او فصينيه وتشغل الفرن....كده احسن بكتييير وأسرع جربوها حتعجبكم
