الوصفه دي بعد تجارب كتير لتتبيلات مختلفه ودي ناجحه جدا الحمدلله ..جربوها هتنبسطو عليها وهتطلع معاكم نفس اللي بناكلها بره ..
ودي تعتبر تاني وصفه ليا وبشكركم علي تعليقاتكم الايجابيه لوصفتي الاولي 😍
في الخلاط نضرب الزبادي والبصل والثوم وااطماطم والخل والزيت بدون اضافه ماء لنحصل علي خليط سميك.
يوضع علي الفراخ المقطعه والمشققه في بوله ونقلب جيدا بحيث تدخل التتبيله في كل الفراخ
نغطي البوله ب كلينج فيلم وتوضع بالثلاجه لمده يومين كاملين
نخرجها من الثلاجه قبل شويها ب ساعتين لتاخذ درجه حراره الغرفه
نضعها غي مصفاه لتصفي كل التتبيله الزائده..
نضيف اليها التوابل كلها مخلوطه مع بعضها ونقلبها جيدا
تترك لتتبل بالتوابل عشر دقائق فقط
في هذا الوقت نسخن الفرن علي اعلي درجه حراره
نضع الفراخ في شبكه الفراخ ونضع الشبكه علي صينيه فرن وندخلها الفرن.
تترك علي اعلي درجه لمده نصف ساعه ثم نخفض الحراره قليلا علي ٢٢٠ مثلا حتي تكمل ساعه وتستوي تماما وتاخذ لون حلو مثل الصوره..
اخر خطوه بعد شوي الفراخ نخرجها من شبكه الشوي ونضعها فالصينيه ثم نشعل فحمه ونطفئها في طبق فويل مع نقطتين زيت..ونغطي الفراخ جيدا ب فويل حتي تتشرب رائحه الفحم تماما..
