كيلو اوراك مخلية
معلقة كبيرة توم مفروم
معلقة كبيرة زنجبيل فريش مفروم
معلقة بابريكا
2 معلقة عصير ليمون
ملح
جراماسالا(فلفل اسود-كزبرة-قرفة-قرنفل-حبهان-ورق لورا-جوزة الطيب)
معلقة كبيرة شمر
2 معلقة كبيرة دقيق حمص او حمص طبيخ مطحون
كوب زبادي
معلقة كبيرة كاري
نجهز التتبيلة الاولى :توم وجنزبيل مفرومين وليمون وبابريكا وملح
نقطع الاوراك مكعبات ثم نتبلها بالتتبيلة الاولى وهي التوم والجنزبيل والبابريكا والليمون والملح لحد مانحضر التتبيلة التانية
نحمص مكونات الجراماسالا ونطحنها ونضيف ملعقة منها للزبادى ونضيف الكارى ونقلب كويس
نحمص الشمر ودقيق الحمص في الزيت لحد مايبقي لونه دهبي وننزل بيه عالزبادى والكارى ونقلب كويس وبعد كده نتبل بيهم الفراخ زي الصورة
نتركها في التتبيلة مالايقل عن ساعتين..وننقع الاسياخ الخشب في الماء لمدة نص ساعة
نضعها في الاسياخ ونشويها في الفرن..وبالف هنا
التتبيلة دى من احلى الوصفات اللي جربتها في حياتي..ليها طعم ونكهة مميزين جربوها وهتعحبكوا ان شاء الله💖
