كيلو افخاد, او فراخ, مقطعة مغسولة ومتصفية تماما
1 بصل, مبشور
علبتين زبادي
2 طماطم مبشورة
5 ملاعق عصير ليمون
ملعقتين صويا صوص او ملعقتين عسل اسمر
ملح
فلفل اسمر
0.5 ملعقة ص حبهان مطحون
بقدونس, للتزيين
هنضيف كل المكونات مع بعضها ونقلبها كويس جدا.
هنتبل الفراخ بالتتبيلة جيدا ونحاول ندخلها بين الجلد واللحم.
نغطيها وندخلها التلاجة قبل مانستعملها بيوم. كل ماتقعد في التلاجة هاتتبل احسن ويكون طعمها احلى بكتير.
نخرجها من التلاجة ونكون مسخنين الفرن قبلها بنصف ساعة. ونرصها على الشبكة وتحتها صينية فيها ماء وقشر الليمون اللي كان في التتبيلة.
المية هنا هتخليها طرية وهتوزع الحرارة في كل مكان.
او ممكن تشويها على جريل الفرن تكون على اعلى درجة.
ولما تتشوي, نقلب الفراخ على الجهة الاخرى.
ممكن نولع فحماية بعد الشوي, اوممكن الاستغناء عنها.
تقدم الفراخ على فرشة من البقدونس. وتقدم بالف هناا.
