طريقة عمل شيش طاووق

ثلاث اشخاص

ساعه

0.5 كيلو افخاد دجاج, مخليه

4 فلفل الوان, اخضر واصفر واحمر

1 بصل

فنجان صغير لبن رايب

فنجان صغير زيت

ليمونه

2 معلقه صلصه

معلقه ص ملح

0.25 م ص فلفل اسود

بهارات فراخ

بصل بودرة

ثوم بودرة

بابريكا

في بوله, انزل باللبن والزيت والصلصة عصير الليمون. واضيف ملعقة الملح والفلفل واقلبهم مع بعض كويس.

اضيف بهارات الفراخ ملعقة صغيرة ومعلقه صغيرة من البصل البودرة ونص ملعقة ثوم بودرة والبابريكا واقلبهم.

انزل بقطع الفراخ ❤️ واسيبها في التتدبيله, افضل من بليل. ولو مستعجله, مش اقل من ثلاث ساعات عشان تشرب من التتبيله كويس.

في الوقت اللي الفراخ بتتبل فيها, اكون مجهزه فلفل الوان اخضر واصفر واحمر ولو في اورنج (برتقال) كمان بيدوا الوان حلوه اوي. واضيف بصل واقطعهم مكعبات متوسطه.

اغسل اعواد الشيش بمياه واحط الفراخ والخضار, بالتبادل, لحد ما الكميه تخلص.

اسخن الشوايه. انا عملتها على الجريل الكهربائي. حلوه اوي, احسن من الفرن. كمان لو مش موجوده تبقي اعمليها على الشبكه احلى كتير. وحطي تحتها صينيه فيها مياه ساخنه, عشان تسويها لحد ما توصل للون اللي في الصوره.